ԵՏՀ-ի որոշման համաձայն՝ սկսած 2024 թվականի ապրիլի 1-ից ֆիզիկական անձանց համար ապրանքների անմաքս ներմուծման շեմը կրկին կազմում է 200 եվրո՝ 1 առաքանու համար:
Եթե Ձեր ծանրոցի արժեքն այս սահմանաչափից ավելի է, ապա հարկավոր է վճարել տուրք՝ գերազանցող գումարի 15%-ի չափով: Օրինակ, եթե Ձեր ծանրոցի ընդհանուր արժեքը 300 եվրո է, ապա գերազանցող գումարը կկազմի 100 եվրո: Այսպիսով, տուրքի գումարը կկազմի 15 եվրո (100 եվրոյի 15%-ը): Սահմանաչափը գործում է մեկ ծանրոցի համար և չի գումարվում մեկ օրվա, շաբաթվա կամ ամսվա կտրվածքով:
Մենք միշտ ընդառաջում ենք մեր հաճախորդներին և հնարավորության դեպքում աշխատում ենք ծանրոցը բաժանել մի քանի մասի՝ տուրքերից խուսափելու նպատակով:
Եթե այնուամենայնիվ առաջանա մաքսատուրք վճարելու անհրաժեշտություն, ապա Դուք մեսենջերով, էլեկտրոնային փոստով կամ SMS-հաղորդագրության միջոցով կստանաք հղում՝ առցանց վճարում կատարելու համար: